GDP-ja e Rusisë parashikohet të bjerë me 10.4% këtë vit pas një rritjeje prej 4.7% të regjistruar në vitin 2021, sipas perspektivës më të fundit të zbuluar nga Komisioni Evropian (KE), krahu ekzekutiv i BE-së.
Fitimet e vendit nga eksporti pritet të rriten falë çmimeve të larta dhe kërkesës së fortë për mallra.
“Kjo do t’i mundësojë qeverisë të mbështesë rublën, grupet e cenueshme dhe ekonominë, duke kufizuar rënien e PBB-së reale në 10.4% në 2022.” – thuhet në raport.
KE parashikon që ekonomia ruse të stabilizohet në vitin 2023, pasi vendi pritet të përshtatet me realitetin e ri. Në të njëjtën kohë, rritja e PBB-së parashikohet të mbetet e përmbajtur vitin e ardhshëm, në masën 1.5%, pasi zëvendësimi i vazhdueshëm i importit i shkaktuar nga largimi i bizneseve të huaja nuk do të jetë mjaft efektiv.
Raporti parashikon që inflacioni të kalojë 20% këtë vit për shkak të pengesave në anën e ofertës dhe rritjes së çmimeve të importit. Në vitin 2023, inflacioni do të ulet në 10% pasi fuqia blerëse do bjerë dhe modelet e konsumit do ndryshojnë, shton raporti.
Shkalla e papunësisë në vend thuhet se do të rritet me 5.9% në vitin 2022 dhe parashikohet të demonstrojë rritje të mëtejshme me 5.6% vitin e ardhshëm.
Investimet private parashikohen të bien me më shumë se 20% në vitin 2022, duke pasur parasysh oreksin jashtëzakonisht të ulët për investime të reja në mjedisin aktual mes tërheqjes së kompanive të huaja.
