Presidenti i Malit të Zi, Milo Gjukanoviç, ka folur për çështjen e demarkacioni të kufirit mes shtetit të tij dhe Kosovës. Ai thotë se marrëveshja për demarkacion është nënshkruar por duhet të përfundojë sa më shpejt edhe shënjimi i kufirit i komisionit të përbashkët i themeluar me një marrëveshje mes ish-presidentëve Hashim Thaçi dhe Aleksandër Vujanoviç.
“Siç kam thënë. Mali i Zi ka një politikë serioze shtetërore. Që në samitin e Berlinit është nënshkruar një marrëveshjes mes Kosovës dhe malit të Zi për demarkacionin. Gjithashtu dua të kujtoj se Mali i Zi është shteti i vetëm i ish-Jugosllavisë që ka nënshkruar dy marrëveshje të demarkacionit. Atë me Kosovën dhe Bosnjën. Jemi të hapur që me fqinjët tanë të hapim të gjitha çështjet që na prekin. Dua të kujtoj se presidenti Vujanoviç dhe Thaçi arritën një marrëveshje për formimin e një komisioni të përbashkët i cili do të merret me vënien e kufirit në kuptimin teknik të punës”, thotë ai.
“Gjithashtu është e rëndësishëm që ky komision të zbatojë disa korrigjime të cilat do të kontribojnë në bashkëpunim më të mirë, besimit më të mirë dhe zgjedhjes së suksesshme. . Nëse më pyetni nëse çështja është zgjedhur them po. Nëse më pyetni edhe se a duhet të mbarojmë këtë proces në terren, e cila akoma nuk është mbaruar them se po. Besoj se duhet ta përfundojmë sa më shpejt” thotë Gjukanoviç.
Ai komenton edhe deklaratat e kryeministrit të Malit të Zi, Dritan Abazoviç, i cili tha se kjo temë për të është e mbyllur. Gjukanoviç deklaron se sigurisht ka ndonjë “keqinterpretim” dhe se Abazoviq do të marrë përsipër përgjegjësitë që vijnë nga marrëveshjet e mëparshme.
“Sic e kam thënë, marrëveshja për demarkacion është miratuar. Pas kësaj vazhdon pjesa teknike e punës. Komisioni i përbashkët do të dalë në terren dhe duhet ta vizitojë në përpikmëri këtë kufi. Nëse del që disa gjëra duhet korrigjuar dhe ekziston marrëveshja mes dy palëve do të bëhet në frymë të bashkëpunimit dhe miqësisë. Do të provojmë që me këtë miqësi që kemi të bashkëpunojmë në shumë pika. Kosovën dhe Malin e Zi e udhëheqin njerëz seriozë dhe ne kemi nevojë për zgjidhje e jo lindje të problemeve të reja. Problemet e reja nuk na duhet në këtë rajon”, thotë ai në RTK.
“Jam i sigurt se është fjala për mungesë të precizitetit ose interpretimit ë gabuar. Kushdo që kryen punë serioze në Mal të zi janë marrja e obligimeve të marra më parë. Një prej tyre është marrëveshja për demarkacion e vitit 2015 dhe pastaj marrëveshja për bashkëpunim e Presidentit Vujanoviç. Jam i sigurt se Abazoviç do të marrë përsipër këto përgjegjësi”, përfundon ai.
