Talibanët kanë urdhëruar gratë që punojnë si prezantuese televizive në Afganistan që të mbulojnë fytyrat gjatë transmetimit.
Mediat u njoftan për dekretin e ri të mërkurën, tha një zëdhënës i policisë fetare për BBC.
Vendimi vjen dy javë pasi të gjitha gratë u urdhëruan të mbanin mbulesa të fytyrës në publik, ose në të kundërt do të dënoheshin.
Kufizimet për gratë po forcohen, atyre u ndalohet të udhëtojnë pa të afërm meshkuj dhe shkollat e mesme janë mbyllur për vajzat.
Dekreti i ri po kritikohet gjerësisht në “Twitter”, me shumë që e quajtën atë një hap tjetër nga talebanët për të promovuar ekstremizmin.
“Bota vendos maska për të mbrojtur njerëzit nga Covid. Talebanët vendosin maska për të mbrojtur njerëzit që të mos shohin fytyrat e grave gazetare. Për talebanët, gratë janë një sëmundje.”- shkroi një aktivist në Twitter.
Kanali privat i lajmeve Shamshad postoi një foto të prezantueses së tij të lajmeve të veshur me maskë dhe imazhe të tjera të ngjashme po shpërndahen në rrjetet sociale.
Pas marrjes së pushtetit gushtin e kaluar, talebanët kanë nxjerrë ligje të reja mbi atë se çfarë duhet të veshin gratë – deri në këtë muaj.
Por në fillim të majit Ministria për Parandalimin e Vesit dhe Promovimit të Virtytit njoftoi se të gjitha gratë do të duhet të mbulojnë fytyrën në publik. Kushdo që refuzon të pajtohet rrezikon një seri të përshkallëzuar dënimesh.
