‘Escort Ireland’, faqja më e madhe për femra që shërbejnë eskortat në vend, po u ofron burrave mundësinë për të jetuar ‘fantazitë e tyre të frymëzuara nga lufta’ me gra të sapoardhura ukrainase, tha një studiues i OSBE-së për një OJQ irlandeze. Mes ardhjes së refugjatëve nga Ukraina, studiuesi tha se kërkimet në internet për blerjen e seksit nga këto gra janë rritur deri në 600%.
Që kur refugjatët filluan të largoheshin nga Ukraina në fund të shkurtit, ‘Escort Ireland’ ka raportuar një rritje prej 250% të kërkimeve për gratë ukrainase, tha Valiant Richey, Përfaqësuesi Special dhe Bashkërendueesi i OSBE-së për Luftën kundër Trafikimit të Qenieve Njerëzore, në një konferencë në internet të enjten.
Në vende të tjera, rritja e kërkimeve për shërbime prostitucioni nga gratë ukrainase u rrit me ‘deri në 600%’ tha Richey në konferencën, e cila u organizua nga ‘Beyond Exploitation’, një OJQ irlandeze.
Richey pohoi se ‘Escort Ireland’, tregu kryesor i vendit për prostitucionin dhe shërbime të tjera seksuale, po u ofron klientëve mundësinë për të jetuar ‘fantazitë e tyre të frymëzuara nga lufta’ me gratë ukrainase. Megjithatë, është e paqartë nëse pronarët e faqes në internet po e promovojnë drejtpërdrejt këtë mesazh, ose nëse eskortat individualë që reklamohen në faqe po e shfaqin atë.
“Që nga fillimi i luftës ka pasur një rritje të madhe të kërkesës, e cila do të shërbejë si një nxitje e fortë për trafikantët për të rekrutuar dhe shfrytëzuar gratë ukrainase.” – tha Richey në konferencën online.
Richey tha se fushatat e ndërgjegjësimit dhe reklamat e synuara në mediat sociale mund ta pakësojnë këtë kërkesë, ndërsa folësit e tjerë në konferencë thanë se qeveria duhet t’u shpjegojë qartë grave ukrainase se si të raportojnë krimet dhe të ofrojë mbështetje për ato që rrezikojnë të bien në trafik.
Që nga e mërkura, më shumë se 30,000 refugjatë kanë mbërritur në Irlandë nga Ukraina, me më shumë se dy të tretat që kërkojnë strehim nga shteti irlandez, raportoi ‘Irish Independent’.
Nëse ardhjet vazhdojnë me shpejtësi, qeveria ka pranuar se ‘të gjitha llojet e akomodimit do arrijnë kapacitetin’ deri në fund të qershorit.
