Kreu i Grupit Parlamentar të PD-së ka komentuar deklaratat e Kryeministrit Rama pas dështimit të raundit të dytë.
Alibeaj tha se PD-ja nuk ka propozuar një emër pasi shumica nuk respektoi marrëveshjen e arritur për rregullat.
Kreu i Grupit Parlamentar shtoi se secila palë duhet të propozojë dhe jo ta bëjnë lojë shahu zgjedhjen e Presidentit.
“S’ka nevojë për dy për tango, se s’duhet të jetë një president për tango nga të dy, duhet një president mbi palët, president i shqiptarëve. Ne propozojmë, këta përzgjedhin, jo si lojë tango, por që ai/ajo, ç’rëndësi ka, të marrë mbështetjen e politikës, që nesër të mos e konsiderojnë vetes të njërës palë. Mënyra më e mirë është një proces i përbashkët, dhe hapi i fundit është pasi të identifikohet një president i gjithë pranuar mbi palët, secila palë duhet ta bashkëpropozojë jo si lojë shahu, kjo është formula, unë e di, nuk mund të bëhet eksperiment me presidentin e republikës. Në mënyrën më serioze, ne besuam që proces, rregulla, pastaj emra, është procesi që do jepte një emër, sipas kritereve që ne besuam, por nuk kemi çfarë t’i bëjmë njerëzve që i hanë fjalët. Mjeti ynë i vetëm është që të qëndrojmë te parimet”, tha Alibeaj.
