Ekonomia globale po përballet me “provën e saj më të madhe që nga Lufta e Dytë Botërore”, tha drejtorja menaxhuese e Fondit Monetar Ndërkombëtar në fillimin e Forumit Ekonomik Botëror në Davos.
Kristalina Georgieva tha se konflikti në Ukrainë “ka komplikuar pandeminë Covid-19, një krizë pas një krize, duke shkatërruar jetë, duke ngadalësuar rritjen dhe duke nxitur inflacionin”.
“Shtojini kësaj paqëndrueshmërie të rritur ndjeshëm në tregjet financiare dhe kërcënimin e vazhdueshëm të ndryshimit të klimës, dhe ne përballemi me një grumbullim të mundshëm fatkeqësish.”- shtoi ajo, citon RT.
Shefja e FMN-së theksoi ndikimin e rritjes së çmimeve të ushqimit dhe energjisë tek familjet në mbarë botën, duke thënë se kriza po krijon probleme të mëdha për “vendet e cenueshme me borxhe të larta”, të cilat do të kenë nevojë për ristrukturim të borxhit.
Georgieva u kërkoi vendeve të pasura të ulin barrierat tregtare, të ndihmojnë vendet në vështirësi borxhi dhe të përmirësojnë sistemet e pagesave ndërkufitare.
Paralajmërimi i FMN-së vjen mes frikës së një recesioni global, me prodhimin kinez që po bie ndjeshëm për shkak të kufizimeve të vazhdueshme të koronavirusit. Në të njëjtën kohë, Evropa dhe SHBA po përballen me një krizë të kostos së jetesës dhe tregjet në zhvillim po përballen me mungesa ushqimore si rezultat i sanksioneve kundër Rusisë.
