Kryetarja e LSI, Monika Kryemadhi në një intervistë për “A2CNN” e ka cilësuar operacionin e policisë, të koduar si “Plumbi i Artë” si dështim.
Kryemadhi tha se operacioni ka pasur dekonspirim, e sipas saj shumë prej grupeve kriminale të dala në hetime, janë përfshirë drejtpërdrejt në zgjedhjet e 25 prillit, në favor të Partisë Socialiste.
“Dështimi i operacionit ‘Plumbi i Artë’ siç ndodhi dekonspirimi i të gjithë operacionit tregoi se rrjedhja e informacionit nga do të vijë, do të vijë nga policia nuk besoj që ka ndonjë prokuror që do të dëmtojë procesin e tij.
Situata me presidentin është krijuar dhe për të larguar vëmendjen nga zhvillimet e fundit që po ndodhin me dëshmitë e dy të penduarve, që përfshijnë shumë grupe kriminale, pjesa më e madhe e të cilave kanë qenë të përfshirë drejtpërdrejt në zgjedhjet e 25 prillit, ku kanë qenë garnizoni ushtarak i Partisë Socialiste në këto zgjedhje. Gjithashtu po kërkohet të largohet vëmendja dhe nga çështja e inceneratorëve, e cila është një arsye edhe më e rëndë që implikon kryeministrin, kryetarin e bashkisë, ministra”, tha Kryemadhi.
