Qeveria çeke i ka dhuruar Ukrainës helikopterë sulmues të prodhimit sovjetik dhe në javët e ardhshme pritet të dorëzojë edhe automjete të blinduara, raportoi të mërkurën Wall Street Journal. Dhurimi, një përshkallëzim i madh në përfshirjen e Republikës Çeke në Ukrainë, u bë pas diskutimeve me SHBA-në.
Helikopterët Mi-24 të viteve 1970, u vendosën në Ukrainë javët e fundit, raportoi gazeta. Në fillim të kësaj jave, Sekretari i Mbrojtjes i SHBA-së Lloyd Austin falënderoi Pragën për sigurimin e helikopterëve, pas një konference që synonte të mblidhte aleatët e Amerikës për të armatosur Kievin.
Republika Çeke tashmë ka dorëzuar tanke dhe armë antitank në Ukrainë, dhe së bashku me Sllovakinë, ka riparuar automjete të blinduara të lehta ukrainase në serviset e saj të riparimit. Megjithatë, së shpejti do ta zgjerojë këtë shërbim për të ‘riparuar të gjithë llojet e automjeteve të përdorura nga forcat tokësore të Ukrainës’, citoi Wall Street Journal të thoshte një zyrtar çek.
Moska ka akuzuar tashmë SHBA-në dhe aleatët e saj për një ‘luftë me prokurë’ kundër Rusisë nëpërmjet furnizimit të tyre me armë, stërvitje dhe inteligjencë për forcat ukrainase. Rusia gjithashtu ka kryer sulme të rregullta kundër depove të armëve perëndimore brenda Ukrainës, duke i shpallur ato ‘objektiva të ligjshme’.
