Kryeministri hungarez Viktor Orban ka përjashtuar diskutimin e mëtejshëm mbi një embargo të propozuar në mbarë BE-në ndaj naftës ruse, raportoi Financial Times.
Megjithëse liderët e tjerë të BE-së këmbëngulin se një ndalim është afër përfundimit, Orban ka thënë se një marrëveshje e tillë nuk mund të bëhet pa një ‘investim urgjent’ nga Brukseli.
Në një letër drejtuar presidentit të Këshillit Evropian, Charles Michel, Orban thuhet se tha se një ndalim i importeve ruse të naftës do shkaktonte ‘probleme serioze të furnizimit’ në Hungari dhe do shkaktonte një goditje të rëndë për familjet dhe industritë hungareze.
Duke i deklaruar dispozitat e financimit në planin ‘REPowerEU’ të Brukselit të pamjaftueshme për të mbështetur një kalim larg nga karburantet fosile ruse për vendin e tij, Orban thuhet se tha se një embargo e naftës nuk duhet të diskutohet kur liderët e BE-së të takohen javën e ardhshme për të diskutuar mbi një paketë të gjashtë ekonomike sanksionesh ndaj Rusisë.
“Diskutimi i paketës së sanksioneve në nivel liderësh në mungesë të një marrëveshjeje do kishte efekt të kundërt. Kjo vetëm do nxirrte në pah ndarjet tona të brendshme pa ofruar një mundësi të vërtetë për të zgjidhur mosmarrëveshjet. Prandaj, unë propozoj që kjo çështje të mos trajtohet në Këshillin e ardhshëm Evropian.”
Hungaria është pothuajse tërësisht e varur nga Rusia për importet e saj të gazit dhe mbështetet tek Moska për më shumë se gjysmën e naftës së saj të importuar. Budapesti ka vijuar të blejë gaz nga Rusia në rubla dhe ka kundërshtuar një embargo të naftës.
Orban ka folur gjithashtu kundër sanksioneve të BE-së ndaj Rusisë më gjerësisht, duke i krahasuar ato javën e kaluar me një’”bombë bërthamore’ që mund të shkaktojë një krizë ushqimore dhe emigrim masiv brenda Evropës.
