Përfshihet nga flakët drejtoria e Ujësjellësit të Tiranës. Ngjarja nuk është bërë publike nga autoritetet, por portali CNA.al ka publikuar disa foto nga vendngjarja, ku shihet se një pjesë e madhe e zyrave janë shkrumbuar totalisht.
Ajo çfarë shihet në këto zyra janë dosje të djegura dhe të shpërndara gjithandej.
Sipas CNA.al, kjo ndodh vetëm pak ditë para se Kontrolli i Lartë i Shtetit do të zbarkonte në Drejtorinë e Ujësjellësit të Tiranës.
Kjo gjë ka ngritur dyshimet se zjarrvënia ka qenë e qëllimshme për të zhdukur dokumentet që mund të çonin në pranga zyrtarë të caktuar.
