Ish-presidenti moldav kundër BE-së, Igor Dodon, i arrestuar me dyshimin për ‘korrupsion pasiv, financim të paligjshëm të partive politike dhe pasurim të paligjshëm’, tani po përballet me katër akuza penale të zbuluara nga avokati i tij të mërkurën. Ato përfshijnë korrupsionin dhe tradhtinë.
Një ditë më parë, Dodon, i cili drejtoi vendin nga 2016-2020, u arrestua për 72 orë, zbuloi autoriteti antikorrupsion i vendit. Akuza për tradhti duket se është shtuar më vonë.
“Sot, Zyra e Prokurorit Kundër Korrupsionit e akuzoi zyrtarisht Dodonin me katër akuza, duke përfshirë korrupsionin dhe tradhtinë.” – tha avokati i tij Maxim Lebedinsky për agjencinë e lajmeve Sputnik.
Partia e tij opozitare e Socialistëve ka akuzuar fraksionin pro-BE ‘Veprimi dhe Solidariteti’, së bashku me Presidenten e tanishme moldave të mbështetur nga perëndimi, Maia Sandu, për ‘përpjekje për të frikësuar kundërshtarët politikë dhe për të vendosur një diktaturë në Republikën e Moldavisë’.
“Sot, Prokuroria Kundër Korrupsionit ka dërguar kërkesë për arrestimin për 30 ditë të ish-presidentit Igor Dodon dhe një të arrestuari tjetër.” – citohet të ketë thënë një zëdhënëse e drejtësisë.
Ajo zbuloi se kërkesat do të shqyrtoheshin të enjten nga Gjykata e Qarkut në Kishinau.
Dodon mohoi të gjitha akuzat, duke thënë se nuk është hera e parë që ai bëhet ‘objektiv i drejtësisë së orkestruar dhe të kontrolluar politikisht’. Ai gjithashtu pohoi se ka ‘shpjegimet e nevojshme që heqin çdo dyshim për korrupsion dhe shkelje të ligjit’.
