Sjellja aktuale e kombeve perëndimore përbën ‘luftë totale ndaj botës ruse’, tha të premten ministri i Jashtëm rus Lavrov gjatë një takimi me krerët e rajoneve të vendit.
Shoqëria ruse dhe forcat kryesore politike mbështesin vendimin e qeverisë për të përballuar këtë sfidë, shtoi ai.
Kombet perëndimore ‘po dyfishojnë, trefishojnë dhe katërfishojnë përpjekjet e tyre për të penguar kombin tonë.
Ata përdorin një gamë të gjerë mjetesh, nga sanksionet ekonomike të njëanshme deri te propaganda totalisht mashtruese në median globale’, tha Lavrov, duke vënë në dukje se ‘rusofobia e nivelit të ulët, e cila për keqardhjen tonë më të thellë promovohet nga një numër qeverish, është rritur në nivele të papara’.
“Perëndimi ka shpallur luftë totale kundër nesh, kundër gjithë botës ruse. Askush nuk e fsheh këtë fakt tani.” – tha Lavrov.
‘Kultura e anulimit’ që synon gjithçka që lidhet me kombin tonë është bërë absurde.
Lavrov gjithashtu vuri në dukje se kriza ka ekspozuar natyrën e vërtetë të premtimeve të dhëna Rusisë 30 vjet më parë, pas rënies së Bashkimit Sovjetik.
“Tani shohim vlerën e të gjitha bisedave për vlerat universale dhe nevojën për ta kthyer Evropën në një shtëpi të përbashkët nga Atlantiku në Paqësor. Askush nuk duhet të ketë iluzione për qëndrimin e SHBA-së dhe aleatëve të saj ndaj Rusisë.” – shtoi ai.
