Zbulohet shkaku i tragjedisë së ndodhur në Fushë Arrëz ku humbën jetën nëna me dy vajzat, pasi i zuri korrenti në dush.
Sipas Balkanweb, një grup ekspertësh nga Tirana kanë dalë në përfundimin se një defekt elektrik në lavatriçe, është bërë shkak për vdekjen e 3 anëtareve të një familjeje.
Sipas ekspertëve, për shkak të defektit të lavatriçes linjat hidraulike prej metali kanë përcjellë energjinë dhe tek dushi, në një kohë kur vajza e madhe Sidorela ka qenë në dush.
Kjo solli vdekjen fillimisht të saj, dhe më pas motrës dhe nënës që i shkuan në ndihmë. Ngjarja e rëndë ndodhi të shtunën e kaluar, duke tronditur gjithë opinionin publik.
Nëna Prendushe Kola la pas edhe dy djem të moshave 12 dhe 17 vjeç, ndërsa bashkë me vajzat e saj u përcoll dje për në banesën e fundit.
