Varshava ka ndalur furnizimet falas me karburant në Ukrainë, tha ministrja polake e Klimës dhe Mjedisit në një intervistë me faqen e internetit BiznesAlert të hënën.
“Në fillim të luftës dhe pas bombardimit të rafinerisë, ne dërguam karburant pa pagesë. Aktualisht, këto janë furnizime komerciale nga kompania Orlen, që kërkojnë një angazhim të madh logjistik.” – tha Anna Moskwa.
Ajo shpjegoi se tregu polak mbetet prioritet dhe se kompanitë e energjisë në Ukrainë po përballen me situatën.
“Zakonisht këto dërgesa bëhen me tubacione, ndaj na u desh të vendosnim kanale të reja furnizimi. Ne i zbatojmë ato në mënyrë të vazhdueshme, duke ruajtur prioritetin e furnizimit të tregut polak.” – tha Moskwa, duke shtuar: “Furnizimet tona janë një përgjigje ndaj krizës, por ky sektor është i organizuar mirë, kështu që ka një potencial tregu atje.”
Ndërkohë, infrastruktura e dëmtuar nga lufta dhe ndërprerja e industrisë së përpunimit të naftës në Ukrainë kanë rezultuar në mungesë karburanti, sipas raporteve të mediave.
Drejtuesit e automjeteve thuhet se janë detyruar të presin me orë të tëra në pikat e karburantit. Javën e kaluar, qeveria pezulloi rregullimin shtetëror të çmimeve të karburantitk në mes të mungesës në rritje të benzinës dhe naftës.
Gjatë një bisede telefonike javën e kaluar me presidentin francez Emmanuel Macron, Presidenti Volodymyr Zelensky ngriti çështjen e furnizimit me karburant në Ukrainë mes temave të tjera, duke përfshirë perspektivat e marrjes së karburantit nga Emiratet e Bashkuara Arabe.
