Një klasë parashkollore në Karolinën e Veriut përdori letra me tema LGBTQ për t’u mësuar fëmijëve ngjyrat, duke përfshirë një kartë që përshkruan një burrë shtatzënë.
“Shkollat duhet të përdorin vetëm materiale të përshtatshme për moshën dhe këto karta nuk e plotësojnë qartë atë standard për një klasë parashkollore.” – tha Republikania Erin Paré në një deklaratë pasi u njoftua për kartat.
Paré tha se një pjesëtar i shqetësuar i dërgoi email asaj për kartat që po përdoreshin për t’u mësuar ngjyrat fëmijëve parashkollorë në Shkollën Fillore Ballentine në Wake County.
Paré më pas kontaktoi drejtorin e shkollës fillore në një përpjekje për të verifikuar përdorimin e kartave në klasë, me drejtorin i cili i pohoi se do vepronte shpejt për të hetuar denoncimin.
Drejtori arriti të gjente kartat në klasën parashkollore duke thënë se sipas mësuesit ato ishin përdorur për të mësuar ngjyrat, për të cilat drejtori tha se ishte planprogram i miratuar në shkollë.
Incidenti vjen mes një përpjekjeje në Asamblenë e Përgjithshme të Karolinës së Veriut për të miratuar legjislacionin që synon t’u japë prindërve më shumë kontroll mbi atë që fëmijët e tyre mësojnë në shkollë, duke përfshirë dhënien e mundësisë për të hequr dorë nga ato që ata i konsiderojnë ‘materialet e papërshtatshme për moshën’.
Përgatiti për Hashtag.al, K.Manjani
