Ukraina qortoi presidentin francez Emmanuel Macron të shtunën se tha se ishte e rëndësishme të mos ‘poshtërohej’ Rusia, një pozicion që ministri i Jashtëm ukrainas Dmitro Kuleba tha se ‘mund të poshtërojë vetëm Francën’.
Macron ka kërkuar të mbajë një dialog me presidentin rus Vladimir Putin që nga pushtimi i Ukrainës nga Moska në shkurt.
Qëndrimi i tij është kritikuar vazhdimisht nga disa partnerë lindorë dhe baltikë në Evropë, pasi ata e shohin atë si minim të përpjekjeve për të shtuar presionin ndaj Putinit në tryezën e bisedimeve.
“Ne nuk duhet ta poshtërojmë Rusinë, në mënyrë që ditën kur luftimet të ndalojnë, ne të mund të ndërtojmë një platformë daljeje me mjete diplomatike.” – tha Macron në një intervistë për gazetat rajonale të botuara të shtunën.
Kuleba u përgjigj në Tëitter: “Thirrjet për të shmangur poshtërimin e Rusisë mund të poshtërojnë vetëm Francën dhe çdo vend tjetër që do ta bënte atë. Sepse është Rusia ajo që poshtëron veten. Të gjithë më mirë të përqendrohemi se si t’i tregojmë vendin Rusisë. Kjo do të sjellë paqe dhe do të shpëtojë jetë.”
