Mediet greke kanë publikuar fotot dhe video të dy vëllezërve shqiptarë, të cilët dyshohen se janë pjesë e një karteli, që shpërndan kokainë me stemën e “NBA”.
Siç shkruajnë mediet greke, dy vëllezërit shqiptarë kanë dalë sot përpara prokurorisë pranë Gjykatës së Selanikut, pasi u arrestuan nga policia pas një incidenti me të shtëna me armë zjarri në zonën e Finikasit.
Gjatë operacionit policor në banesën e tyre u gjetën sasi të mëdha droge, hashash dhe kokainë, si dhe disa mijëra euro.
Bëhet fjalë për një 32-vjeçar me origjinë shqiptare dhe vëllain e tij 29-vjeçar.
Konkretisht, efektivët e Policisë së Departamentit të Parandalimit dhe Shuarjes së Krimit, sekuetruan:
- Sasia kanabisi me 23 kilogramë e 83 gram
- Sasi kokaine me peshë totale 1 kg e 224 gram
- Shuma e parave 16 195 euro
- 2 peshore precize dhe
- Pajisjet elektronike.
Sipas aktakuzës, vëllai i parë pasditen e së martës ka nisur të qëllojë vazhdimisht brenda dhe jashtë pallatit ku po qëndronte. Por policia ka arrestuar edhe vëllanë tjetër pas zbulimeve në banesë.
Vëllai 29-vjeçar i të “armatosurit” ka jetuar së fundmi në të njëjtën banesë dhe më parë ka përfunduar disa herë në polici për rastet e trafikut të drogës.
