Disa mijëra emigrantë, shumë nga Venezuela, u nisën nga Meksika jugore të hënën herët me synimin për të arritur në Shtetet e Bashkuara, duke përcaktuar kohën që udhëtimi i tyre të përkojë me Samitin e Amerikave në Los Anxhelos këtë javë.
Aktivistët e migracionit thanë se grupi mund të jetë një nga karvanët më të mëdhenj të emigrantëve në rajon në vitet e fundit.
Të paktën 6,000 njerëz, sipas dëshmitarëve të Reuters, u larguan nga qyteti kufitar Tapachula. Instituti Kombëtar i Meksikës për Migracionin nuk dha një vlerësim të madhësisë së grupit dhe nuk dha asnjë koment shtesë për karvanin.
Organizatori i karavanit Luis Garcia Villagran tha se grupi përfaqësonte kombësi të ndryshme njerëzish që iknin nga vështirësitë në vendet e tyre të origjinës, duke përfshirë shumë nga Venezuela.
“Këto janë vende që janë goditur nga varfëria dhe dhuna.” – tha ai.
“Ne i nxisim me forcë ata që marrin pjesë në samit…të shikojnë se çfarë po ndodh dhe çfarë mund të ndodhë edhe më shpesh në Meksikë, nëse diçka nuk bëhet së shpejti.”
Presidenti i SHBA Joe Biden pritet të shpallë një pakt rajonal për emigracionin më vonë gjatë javës.
Emigrantët, duke përfshirë shumë fëmijë, e nisën udhëtimin e tyre herët nën reshje shiu dhe u larguan nëpër disa korsi të autostradës, me disa të veshur me qese plastike dhe me çadra, tregojnë pamjet e Reuters.
Karvanët e mëdhenj të drejtuar për në Shtetet e Bashkuara udhëtuan gjithashtu nëpër Meksikë në 2018 dhe 2019, kryesisht të përbërë nga amerikano-qendrorë, të ndjekur nga grupe më të vogla vitet e fundit.
Një numër rekord i emigrantëve vitin e kaluar tentuan të kalonin kufirin SHBA-Meksikë në mënyrë të paligjshme.
