Një aksident ka ndodhur në aksin Levan-Tepelenë mbrëmjen e sotme.
Aksidenti i ka marrë jetën dy personave ndërsa kanë mbetur të plagosur katër të tjerë.
Në aksident janë përfshirë 2 makina ndërsa kanë shkuar në vendngjarje autoambulanca dhe zjarrfikësja.
“Sot rreth orës 20:20, në aksin rrugor Levan-Tepelenë, në fshatin Buzëmadh, janë përplasur automjetet tip “Zafira” dhe “Ford”.
Si pasojë e përplasjes kanë ndërruar jetë dy shtetas dhe janë plagosur katër të tjerë.
Grupi hetimor ndodhet në vendngjarje dhe po punon për zbardhjen e shkakut të aksidentit si edhe identifikimin e personave që janë plagosur dhe kanë ndërruar jetë“-njofton policia.
