Zyra e Shtypit e Partisë Demokratike ka njoftuar se sot “u krye konstituimi i Komisionit të Apelimit ose Gjykatës së PDSH-së”.
Kështu siç rezultoi nga votimet e 3 qershorit, Komisioni i Apelimit, ose thënë ndryshe Gjykata e Partisë, do të drejtohet nga zonja Adriana Kalaja.
Anëtarët e rinj të këtij Komisioni kanë pozuar edhe për një foto me kreun e PD-së, Sali Berishën.
“Më të vendosur se kurrë se vendimet tona do merr në respektim të Statutit të PDSH-së, për t’a bërë këtë të fundit,
Më të bashkuar
Më të fortë,
Më të hapur.
Duke ndryshuar sot PDSH-në, nesër ndryshojmë Shqipërinë.”– thuhet më tej në njoftim.
Kështu, me kuorumin e nevojshëm të 4 anëtarëve prej 5 anëtarëve gjithsej, Gjykata e PDSH-së ka në përbërje:
- Adriana Kalaja – Kryetare,
- Elton Bano – Anëtar,
- Anxhela Malka – Anëtare,
- Ledio Nuraj – Anëtar,
- Gledis Çela – Anëtar.
