Ekonomia amerikane është gati të bjerë në një recesion, kanë parashikuar ekspertët ekonomikë, duke hedhur poshtë parashikimet më optimiste nga Rezerva Federale.
Ish-sekretari i Thesarit, Larry Summers, paralajmëroi të dielën se parashikimet e Fed-it lidhur me inflacionin kanë qenë ‘shumë optimiste’ dhe këmbënguli që ajo të përballet me recesionin duke e parë atë në fytyrë.
“Kur inflacioni është aq i lartë sa është tani dhe papunësia është aq e ulët sa është tani, pothuajse gjithmonë është ndjekur, brenda dy viteve, nga recesioni.” – deklaroi Summers gjatë një daljeje të dielën në CNN, duke kundërshtuar Sekretaren e Thesarit Janet Yellen.
Summers vuri në dukje ‘çfarë po ndodh në tregjet e aksioneve dhe obligacioneve’ dhe shifrat e fundit të ndjesisë së konsumatorit si provë se ‘ka sigurisht një rrezik recesioni në vitin e ardhshëm’ dhe se ‘ka më shumë gjasa se ne do kemi një recesion brenda dy viteve të ardhshme’. Gjërat mund të përkeqësohen edhe më shumë në varësi të çmimit të naftës, shtoi ai, duke theksuar ‘rrezikun që ai të rritet më shumë’.
Çmimet e gazit janë tashmë në nivele rekord në SHBA, duke tejkaluar kohët e fundit një mesatare prej 5 dollarë për gallon, më shumë se dyfishi i asaj që ishin kur Presidenti Joe Biden hyri në Shtëpinë e Bardhë dhe indekset e aksioneve Nasdaq dhe S&P 500 shënuan javën e tyre më të keqe të një vit më parë këtë muaj në vazhdën e një rritjeje prej 8.6% të çmimeve të konsumit, madje edhe më e lartë se sa ishte parashikuar.
Pavarësisht ndjenjës së dënimit që përshkon tregjet, Yellen ka këmbëngulur se shpenzimet konsumatore dhe investuese janë mjaft të forta për të shmangur një recesion edhe pse ajo vetë e ka pranuar se ishte ‘gabim’ për inflacionin galopant që ka karakterizuar presidencën e Biden.
Kryetari i Rezervës Federale, Jerome Powell, gjithashtu ka luftuar për të minimizuar vështirësitë me të cilat përballet banka qendrore e SHBA-së, megjithëse ai ka pranuar se rritja e normave të interesit në një përpjekje për të rrëzuar inflacionin mund të shkaktojë ‘disa dhimbje’ dhe të rrisë normat e papunësisë.
