Presidenti rus Vladimir Putin ka akuzuar vendet perëndimore për dëmtimin e ekonomive të tyre përmes printimit të parave, ndërsa gabimisht fajësojnë për problemet e tyre konfliktin e Ukrainës.
“Rritjet e fundit të çmimeve, inflacioni, problemet me ushqimin dhe karburantin, benzinën, problemet në sektorin e energjisë janë rezultat i gabimeve sistematike në politikën ekonomike të administratës aktuale amerikane dhe burokracisë evropiane.”– tha Putin të premten sipas RT-së, në një seancë plenare të Forumit Ekonomik Ndërkombëtar të Shën Petersburgut (SPIEF).
Putin tha se vitet e lehtësimit sasior kanë zgjeruar ofertën e parasë në SHBA dhe Eurozonë me përkatësisht 38% dhe 20%.
Ai akuzoi vendet perëndimore për përdorimin e atyre sasive të mëdha të parave të sapo shtypura për të blerë mallra globale, duke vënë në dukje se importet amerikane të prodhimeve bujqësore u rritën 40% nga 250 miliardë dollarë në 2019-ën në 350 miliardë dollarë këtë vit.
Presidenti i kërkoi gjithashtu Perëndimit që të ndalojë së fajësuari për vështirësitë e tyre inflacioniste Rusinë dhe operacionin e saj ushtarak në Ukrainë dhe të ndryshojë kursin e politikës.
