Një ditë pas thirrjes së kryeministrit Rama drejtuar homologut të tij në Kosovë për miratimin e një marrëveshjeje për tregtinë, që sipas Ramës ishte bllokuar nga Prishtina zyrtare vjen takimi i paralajmëruar në Prishtinë i dy qeverive.
Gjatë marrëveshjes pritet të diskutohet marrëveshja për Portin e ri të Porto Romanos si dhe bashkimi i tij me hekurudhën Durrës-Prishtinë.
Rreth orës 12:45 është parashikuar konferenca e përbashkët për shtyp mes Ramës e Kurtit.
Agjenda e takimit
Ceremonia zyrtare e pritjes
11.15 – Hapja e sesionit plenar të mbledhjes së dy qeverive Kosovë-Shqipëri
Fjalë e z. Albin Kurti, Kryeministër i Republikës së Kosovës
Fjalë e z. Edi Rama, Kryeministër i Republikës së Shqipërisë
Fjalë të shkurtra nga anëtarë të dy kabineteve për të parashtruar çështjet kryesore dhe marrëveshjet për nënshkrim
12.20 – Prezantimi nga z. Eric SMIT, Drejtor i “Royal Haskoning DHV”
Infrastruktura portuale dhe hekurudhore kombëtare në funksion të tregut të përbashkët kombëtar dhe katër lirive ekonomike: Projekti i Portit të ri tregtar në Porto Romano, integrimi me hekurudhën Durrës – Prishtinë, dhe Porti i thatë në Kosovë.
12.30 – Ceremonia e nënshkrimit të marrëveshjeve ndërqeveritare
12.45 – Konferencë e përbashkët për shtyp e dy Kryeministrave
18.00 – Promovimi i librit “Përplasja e Madhe” të Enver Hoxhaj
