Ministria e Bujqësisë e Ukrainës tha të hënën se dërgesat e grurit jashtë vendit kanë arritur në 777,000 tonë deri më tani këtë muaj. Kjo është një rënie prej 55% krahasuar me të njëjtën periudhë të vitit 2021.
Sipas ministrisë, janë eksportuar 689,000 ton misër, 63,000 ton grurë dhe 21,000 ton elb. Të dhënat treguan se në janar, një muaj para fillimit të operacionit ushtarak të Rusisë, Ukraina eksportoi 6 milionë ton drithë.
Tregut global të ushqimit, tashmë i prekur nga moti dhe pandemia Covid-19, iu dha një goditje tjetër nga konflikti Rusi-Ukrainë dhe sanksionet pasuese perëndimore ndaj Moskës. Të dy vendet eksportuan më shumë se një të katërtën e grurit në botë.
Gjendja ka ngjallur frikë nga pasiguria globale ushqimore dhe uria. Drejtori ekzekutiv për Programin Botëror të Ushqimit të OKB-së, David Beasley, kishte thënë më herët se 49 milionë njerëz në 43 vende tashmë ‘rrezikojnë bukën e gojës’.
