Kancelari gjerman Olaf Scholz tha të martën se sanksionet perëndimore kundër Rusisë kanë pasur një ndikim negativ në ekonominë e vendit të tij.
Ndërsa fliste me industrialistët gjermanë, ai vuri në dukje se ‘sanksionet e paprecedenta’ të vendosura ndaj Moskës nga Perëndimi po ‘funksionojnë’. Kancelar, megjithatë, shtoi se ato janë ‘të dhimbshme’ edhe për ekonominë gjermane, veçanërisht për kompanitë energjetike të vendit.
Zëvendës kancelari dhe ministri i ekonomisë i vendit, Robert Habeck, paralajmëroi këtë muaj se gjermanët duhet të përgatiten për një vjeshtë dhe dimër të vështirë për shkak të rritjes së çmimeve, ndërsa vendi shtyn për pavarësi nga energjia ruse.
Sipas tij, çmimet tashmë janë jashtëzakonisht të larta dhe ‘shumë njerëz do të kenë fatura dukshëm më të larta se zakonisht’ në sezonin e ardhshëm të ngrohjes.
Përgatiti për Hashtag.al, K.Manjani
