Vetëm 11% e amerikanëve besojnë se presidenti rus Vladimir Putin është fajtori për çmimet e larta rekord të gazit në SHBA. Të paktën sipas një sondazhi të Rasmussen të publikuar të martën. Shumica fajësojnë presidentin amerikan Joe Biden.
Siç shkruan RT, më shumë se gjysma e të anketuarve (52%) në sondazhin e Rasmussen të kryer javën e kaluar, theksuan politikat e dobëta energjetike të Bidenit si arsyeja që gazi është bërë i papërballueshëm, që do të thotë se narrativa e administratës “Rritja e çmimit të Putinit” nuk duket se po besohet.
Ata që nuk fajësojnë as Biden dhe as Putin, e drejtojnë gishtin drejt kompanive të naftës, me 29% të të anketuarve që sugjerojnë se industria po përdor paqëndrueshmërinë aktuale gjeopolitike për të rritur çmimet e saj.
Ndoshta i vetëdijshëm se narrativa e tij “rritja e çmimit të Putinit” nuk mban më ujë, edhe Biden është prirur drejt fajësimit të kompanive të naftës dhe gazit për kostot shkatërruese të karburantit, duke akuzuar së fundmi industrinë se “bëri më shumë para se Zoti“. Presidenti amerikan ka këmbëngulur se kompanitë e naftës po ndalojnë qëllimisht prodhimin “sepse ata fitojnë më shumë para duke mos prodhuar më shumë naftë”.
