Çmimet e gazit natyror në Evropë kanë vazhduar të rriten mes ndërprerjes së rrjedhës së gazit rus përmes tubacionit kryesor Nord Stream. Çmimet u rritën mbi 1,500 dollarë për mijë metër kub të enjten për herë të parë që nga marsi.
Çmimi i kontratave të së ardhmes së korrikut në qendër TTF në Holandë arriti në 1,504 dollarë për mijë metër kub, pasi u mbyll në 1,367 dollarë një ditë më parë.
“Rritjet e mëtejshme të çmimeve mund të godasin papritur në rast të ndonjë zhvillimi të ri rreth furnizimit të gazit rus.” – thanë analistët e Energi Danmark në një shënim të parë nga Bloomberg.
Tregu evropian i gazit tani po përjeton një mungesë të madhe të furnizimeve të importuara me energji. Dërgesat nga Gazprom i Rusisë përmes gazsjellësit Nord Stream kanë rënë në rreth 40% të kapacitetit për shkak të mungesës së pjesëve për shkak të sanksioneve.
Situata bëri që vendet e BE-së të shpallin masa urgjente këtë javë që synojnë pakësimin e përdorimit të gazit natyror.
Dërgesat e pakësuara vijnë në një kohë kur Evropa është në garë për të rezervuar për dimër, me depot e gazit në kontinent që tani për tani qëndrojnë në 55%, sipas të dhënave.
