Një aksident i rëndë ka ndodhur mbrëmjen e kaluar në Roskovec, ku një makinë përplasi për vdekje punonjësin e firmës që merrej me sinjalistikën rrugore dhe më pas u largua nga vendi i ngjarjes.
Viktima është Mentor Lama, rreth 45-vjeç.
Një ditë më pas, Policia ka njoftuar se drejtuesi i mjetit që u largua nga vendngjarja është arrestuar.
“Në datë 28.06.2022, rreth orës 23:00, në fshatin Velmish, Roskovec, shtetasi T. H., 58 vjeç, banues në Berat, duke drejtuar automjetin tip ‘Peugeot’ ka aksidentuar me pasojë vdekjen dhe është larguar nga vendngjarja, shtetasin M. L., 45 vjeç, banues në Tiranë (punonjës i një firme që meret me sinjalistikën rrugore).
Drejtuesi i mjetit u kap dhe u shoqërua në ambientet e Policisë.
Grupi hetimor po punon për zbardhjen e rrethanave të aksidentit.“– bën me dije Policia.
