Pëllumb Hasani dhe Arjan Habibi janë dy qytetarë të Tiranës, të cilët pretendojnë se mbajnë familjet e tyre duke punuar çdo ditë në ndërtim në rrethinat e kryeqytetit.
Një ditë më parë, kryetarja e LSI-së denoncoi dhe publikoi një skemë se si është bërë evazion fiskal me aferën e inceneratorëve. Kryemadhi publikoi edhe emrat e kompanive dhe skemën që është përdorur.
Në atë listë gjendej edhe kompania “Pëllumbi 2015”, e cila si drejtues kishte pikërisht Pëllumb Hasanin dhe Arjan Habibit.
“5pyetjet.al” kontaktoi me këto dy qytetarët, emrat e të cilëve edhe pse qarkullonin prej më shumë se 24 orësh të paktën në media e internet, për të mos thënë edhe në zyrat e SPAK, ata pretendojnë se nuk ia kishin fare idenë se çfarë po ndodhte, pasi vazhdonin të pashqetësuar punën e përditshme në ndërtim.
Ata pretendojnë se nuk kanë asnjë lidhje me skemën dhe fajësojnë ekonomistin, i cili sipas tyre ka bërë gjithçka pa idenë e tyre.
VINI RE: Ky artikull është pronë intelektuale e 5pyetjet.al
