Në takimin e sotëm me kreun e PD-së Sali Berisha, avokati i njohur dhe aktivisti Altin Goxhaj i ka bërë atij një kërkesë publike.
Goxhaj kërkoi nga Berisha që t’i bënte një komunikim publik dhe një parapaljmërim të gjithë policëve, që të mos intimidojnë, gjobisin, dhunojnë qytetarin protestues duke zbatuar urdhra të paligjshëm, pasi në të kundërt do paguajnë koston nesër.
“Qartas ky libër është një moment ku institucionalizohet komunikimi punlik midis shoqërisë civile dhe politikës dhe në këtë rast midis PD-së dhe qytetarëve. Fati i kësaj proteste ishte që i bashkoi edhe forcat opozitare, bashkoi dhe deputetët, bashkoi edhe organizatat e tjera jo qeveritare, bashkoi edhe aktivistët, grupet e kauzave dhe grupet komunitare. Në fakt Sheshi është ai që i bashkon.
Sheshi është sfida e vërtetë. Nesër ne jemi përballë një regjimi në orën 19:00 për t’i thënë që ti do kesh frikë nga ne. Po si? Pikërisht një nga diskutimet kryesore që kemi patur ne si grup i shoqërisë civile me komunikimin publik, ka qenë si mundet PD të luajë rolin e saj përballë një historie 9-vjeçare ku qeveria e ka bërë popullin të ketë frikë.
Ne kemi këtë propozim doktor, që kemi diskutuar edhe në grupe ekspertësh të Shoqërisë Civile. A mundet që PD që sot t’i japë një Komunikim Publik mbi të gjitha policit, tatimorit, inspektorit, policit rrugor, policit bashkiak… dhe t’ua bëjë të qartë se që nga dita e sotme deri nesër në orën 19:00, çdo përpjekje sado e vogël, e çdokujt nga ata për t’i vendosur gjobë dikujt, për të intimiduar një shofer që sjell në Tiranë me furgon apo një autobus protestuesit e vet? Ta ketë të qartë se ajo gjobë do të paguhet sot e nesër nga PD dhe ai person, ai inspektor do të dalë në listën e zezë publike, që ta dijë mirë se çdo ta gjejë në të tashmen dhe në të ardhmen, që nga procesi administrativ ligjor që do të fillojë kundër tij e deri nesër kur të vini në pushtet.
Dhe nga data 7, nga ora 7, çdo kush që do guxojë të dhunojë, të prekë sikur edhe një protestues, një aktivist të vetëm, ai do të jetë përballë gjithë PD-së, gjithë Frontit, gjithë Shoqërisë Civile, gjithë reagimit publik, në mënyrë që për herë të parë pas 9 vjetësh, të marrë parasysh e para punës çdo militant, çdo person i cili mendon se nëpërmjet shkeljes së ligjit për të shkelur demokracinë të arrijë që ta kuptojë që vjen e keqja për të tashmë. Vjen e keqja një kosto mbrapsht. Deri dje këtë kosto e paguante qytetari, nesër do ta paguajë ai. Dhe pikërisht në këtë kuptim ne kërkojmë nga PD që sot të njoftojë publikisht policin, tatimorin, inspektorin, që urdhrst e paligjshëm do të jenë për të pikërisht vuajtja e tij personale nesër.”– tha Goxhaj.
Dhe duket se në një farë mënyre, gjatë daljes së tij para gazetarëve, Berisha bëri një paralajmërim të tillë për të gjithë punonjësit e policive.
“Paralajmëroj të gjithë llojet e policive, se çdo presion, cdo qëndrim, çdo përpjekje për të intimiduar, për të dhunuar, për të penguar, popullin opozitar, do të regjistrohet dhe do të marrë ndëshkim personal të merituar ligjor. Paralajmëroj të mos provokojnë protestuesit. Është e vërtetë që vapa dhe temperaturat janë të larta, por më të larta janë temperaturat e brendshme të njerëzve, që vijnë të protestojnë ndaj këtij regjimi.”– tha Berisha.
