Drejtori i Varrezave të Tufinës në Tiranë, Elidor Ndini, është arrestuar sot pasi akuzohet se ka abuzuar me tokat e varrezave në Tiranë.
Arrestimi i tij është bërë pas operacionit të zhvilluar nga Drejtoria Vendore e Policisë dhe seksioni i Krimit Ekonomik, i nisur pas një denoncimi nga Bashkia e Tiranës.
Sipas “Shqiptarja.com”, për shkak të mungesës së tokës për varre në varrezat e Tufinës dhe të Sharrës, qytetarët paguanin një tarifë deri në 200 mijë lekë, për të parablerë varrin, duke abuzuar me hapësirën e varrezave publike.
Hetimet janë ndjekur nga prokurori Bledar Valikaj dhe për të zbuluar skemën e korrupsionit janë bërë përgjime dhe kontrolle zyrash e banesash.
Deri më tani janë arrestuar 10 persona mes të cilëve drejtori i varrezave, si dhe dy persona janë në kërkim. Mes tyre janë një pjesë e stafit ndihmës të kësaj drejtorie si edhe disa sekserë.
Të arrestuarit
Eliodor Ndini- Përgjegjës i varrezave Tufinë
Xhemal Mena- Punëtor varrezat Tufinë
Latif Shehu-Punëtor varrezat Tufinë
Gazment Daja-Punëtor varreza Tufinë
Bujar Lica- sekser
Alban Ajazi-sekser
Endrin Milla-sekser
Fatjon Gjonaj- Pjesë e grupit akuzuar për ndërtim të paligjshëm
Roza Ndoj-Në akuzë për shpërdorim detyrë
Juliaj Çuka-Në akuzë për shpërdorim detyrë
Shaqir Nika- sekser shpallur në kërkim
Fabjon Gjonaj-shpallur në kërkim, në akuzë për ndërtim pa leje.
