Guvernatori i Bankës së Shqipërisë, Gent Sejko deklaroi në një konferencë për mediat se inflacioni gjatë muajit prill dhe maj shënoi rritje duke kapur shifrën e 6.7 %.
Ai theksoi se Prodhimi i Brendshëm Bruto, u rrit me pothuajse 6% në tremujorin e parë të këtij viti.
“Inflacioni shënoi rritje në muajin prill dhe maj duke shënuar 6.2 dhe 6.7%. Ishin në kahun e sipërm të parashikimeve tona. Pasqyroi rritjen e çmimeve të ushqimeve. Sipas të dhënave të INSTAT, GDP u rrit me pothuajse 6% në tremujorin e parë të këtij viti. Rritja ekonomike u diktua nga zgjerimi i konsumit dhe investimeve private dhe rritja e eksporteve. Rënia e investimeve publike dhe rritja e importeve kanë shkuar në kahun e kundërt”-deklaroi Sejko.
