Ish-presidenti i FIFA-s, Sepp Blatter dhe Michel Platini, ish-shefi i UEFA-s, janë liruar nga një gjykatë zvicerane për çështjen e tyre të gjatë të korrupsionit.
Dyshja ishin përballur me procedime penale për një pagesë prej 2 milionë frangash zvicerane (2.05 milionë dollarë), të cilën shefi i atëhershëm i FIFA-s, Blatter, ia kishte rregulluar homologut të UEFA-s Platini në vitin 2011.
Prokurorët kishin argumentuar se arsyeja që dyshja kishte dhënë për pagesën, për të cilën ata thanë se bazohej në një ‘marrëveshje zotërinjsh’ të bërë në vitin 1998 për shërbimet që Platini ofronte si këshilltar, ishte një gënjeshtër.
Dyshimet u ngritën për kohën e transferimit të vitit 2011, e cila erdhi kur Blatter po kërkonte rizgjedhjen si shef i FIFA-s dhe pozicioni i Platinit në UEFA nënkuptonte se ai kishte ndikim të konsiderueshëm mbi votimin evropian.
Prokurorët në Gjykatën Penale Federale në qytetin zviceran të Bellinzona kishin kërkuar dënime me burg me kusht prej 20 muajsh për çiftin, megjithëse gjykata vendosi që ata të liroheshin në vendimin e saj të premten. Platini tani mund të kthejë pagesën.
Gjykata në një deklaratë me shkrim ka shpjeguar se ‘pas shqyrtimit dhe vlerësimit të të gjitha provave dhe fakteve rrethanore si dhe dëgjimit të dëshmitarëve të ndryshëm në seancën kryesore, gjykata penale ka ardhur në përfundim se rezultati i provave mbështet versionin e të akuzuarve Blatter e Platini.
Në përgjigje të vendimit, FIFA lëshoi një deklaratë të shkurtër duke thënë se ‘merr parasysh vendimin’ por ‘do presë gjykimin e plotë të arsyetuar përpara se të komentojë më tej’.
Blatter dhe Platini u dënuan me tetë vjet nga futbolli në vitin 2015 kur u shfaq rasti, megjithëse më vonë kjo u shkurtua në gjashtë vjet.
Blatter, megjithatë, u godit me një pezullim të dytë nga FIFA vitin e kaluar, i cili do zgjasë deri në vitin 2028, pas një hetimi etik për pagesën e bonusit.
Francezi Platini, 67 vjeç, u shpall si një nga futbollistët më të mirë të brezit të tij, duke fituar Topin e Artë tre herë gjatë kulmit të tij në vitet 1980.
Ai ka pohuar se çështja kundër tij ishte pjesë e një përpjekjeje për të prishur mundësitë e tij për t’u bërë president i FIFA-s. Ai zyrtarisht dha dorëheqjen si kreu i UEFA-s në vitin 2016.
“Doja të shpreh lumturinë time për të gjithë të dashurit e mi që drejtësia më në fund u vendos pas shtatë vitesh gënjeshtrash dhe manipulimesh. Unë vazhdova ta thosha. Lufta ime është një luftë kundër padrejtësisë. Kam fituar ndeshjen e parë. Në këtë rast ka fajtorë që nuk janë paraqitur gjatë këtij gjykimi. Le ta dinë se do takohemi përsëri sepse nuk do dorëzohem dhe do shkoj deri në fund në kërkimin tim për të vërtetën.” – tha Platini pas vendimit.
Blatter, 86 vjeç, konsiderohej prej kohësh një nga njerëzit më të fuqishëm të futbollit botëror. Zvicerani iu bashkua FIFA-s fillimisht në mesin e viteve 1970 dhe u bë president i saj në 1998, përpara se të jepte dorëheqjen në 2015 kur një listë në rritje skandalesh e kapi atë.
“Së pari, më duhet të them se jam njeri shumë i lumtur.” – tha Blatter jashtë gjykatës të premten.
“Unë jam një njeri i lumtur, sepse edhe sot duhet të falënderoj gjykatën, këtë qytet, njerëzit në gjykatë, mënyrën se si e kanë analizuar situatën dhe na kanë shpjeguar pse ne të dy nuk kemi bërë asgjë.” – shtoi ai.
