Korporata e Naftës dhe Gazit Natyror të Indisë (ONGC) po vendos fuqi punëtore shtesë për të luajtur një rol më të madh në operimin e fushës së naftës Sakhalin-1 pas tërheqjes së ExxonMobil, raportoi të premten Times of India. Kompania ka 20% të aksioneve në projektin energjetik, i vendosur në Lindjen e Largët të Rusisë.
Sipas raportit, krahu i investimeve të huaja të ONGC, OVL, ka ofruar të dërgojë më shumë personel me ekspertizë të përshtatshme për të mbushur pjesërisht boshllëkun, pasi gjiganti amerikan i energjisë ExxonMobil njoftoi në mars synimin e tij për të lënë operacionet e naftës dhe gazit në Rusi për shkak të sanksioneve perëndimore.
ONGC shprehu gjithashtu shpresën se aksionet e saj në projektin rus nuk do preken në rast të riorganizimit të mundshëm të Sakhalin-1 nga Moska, ashtu siç kishte ndodhur me projektin fqinj Sakhalin-2.
“Shpresoj se kjo nuk do të ndikojë tek ne. Marrëdhënia jonë është shumë e fortë dhe ka qenë për shumë kohë e tillë.” – i tha Reuters të enjten kryetarja e ONGC, Alka Mittal.
ONGC po konsideron gjithashtu blerjen e aksioneve shtesë në fushat e naftës dhe gazit rus nga firmat perëndimore që planifikojnë të largohen nga vendi, media kishte raportuar më herët, duke treguar se firma planifikon të ofrojë për 30% të aksioneve të Exxon në Sakhalin-1 dhe 27.5% të interesit të Shell në Projekti Sakhalin-2.
Kompanitë e mëdha perëndimore të naftës, si BP, Shell dhe ExxonMobil, kanë njoftuar kohët e fundit synimin e tyre për t’i dhënë fund sipërmarrjeve të tyre të naftës dhe gazit në Rusi për shkak të sanksioneve perëndimore.
Ndërkohë, India ka vazhduar të rrisë blerjet e naftës ruse dhe të investojë në sektorin energjetik të vendit.
