Kompanitë franceze me energji intensive po përshpejtojnë planet e emergjencës dhe po i shndërrojnë kaldajat e tyre të gazit për të punuar me naftë, ndërsa përpiqen të shmangin ndërprerjen në rast se ndodh ndonjë pakësm i mëtejshëm në furnizimet me gaz rus.
Të mbledhur gjatë fundjavës në një konferencë biznesi dhe ekonomie në Francën jugore, disa drejtues të lartë thanë se po përgatiteshin për ndërprerje të mundshme.
“Ajo që kemi bërë është që kemi shndërruar kaldajat tona, kështu që ato janë në gjendje të funksionojnë me gaz ose naftë, dhe ne mund të kalojmë edhe në qymyr nëse kemi nevojë.” – tha Florent Menegaux, shefi i Michelin (MICP). PA), një nga prodhuesit kryesorë të gomave në botë.
“Qëllimi është të shmangim mbylljen e një fabrike në rast se përballemi me mungesë.” – shtoi ai, duke thënë se ndërkohë që një mungesë gazi në Evropë ishte e mundshme, nafta do të ishte ende e disponueshme si një mundësi.
Duhen ditë për të filluar prodhimin e gomave në një fabrikë prodhuese, tha Menegaux, duke e bërë thelbësore ruajtjen e një furnizimi të qëndrueshëm me energji.
Rusia në qershor uli furnizimet përmes gazsjellësit Nord Stream 1, rruga e saj kryesore për transportimin e gazit në Evropën Perëndimore, në 40% të kapacitetit.
Politikanët dhe industria janë të shqetësuar se do të ketë kufizime të mëtejshme të furnizimit të lidhura me pushtimin rus të Ukrainës, të cilin Moska e përshkruan si një ‘operacion special ushtarak’.
Ministri francez i financave Bruno Le Maire u tha drejtuesve të lartë të korporatave që merrnin pjesë në konferencë se do të ishte e papërgjegjshme të mos përgatiteshin për mungesat.
