Ambasadorja e SHBA-ve në Tiranë, Yuri Kim, ka zhvilluar sot një takim me kryediplomatin e OSBE, Del Monaco.
Dy diplomatët e huaj kanë diskutuar së bashku për angazhimin e përbashkët të dy vendeve për të mbështetur zgjedhjet e lira e të ndershme në Shqipëri, reformën në drejtësi dhe luftën kundër trafikimit të qenieve njerëzore.
Ambasadorja Kim shkruan në “Twitter” se SHBA dhe OSBE inkurajojnë Shqipërinë që të mundësojë votën e diasporës sa më shpejt që të jetë e mundur.
“U takova me ambasadorin e OSBE-së, Del Monaco, për të diskutuar angazhimin tonë të përbashkët për të mbështetur zgjedhjet e lira dhe të ndershme, reformën në drejtësi dhe luftën kundër trafikimit të qenieve njerëzore. Ne inkurajojmë Shqipërinë që të mundësojë votën e diasporës sa më shpejt që të jetë e mundur, siç e kërkon Kushtetuta. SHBA është e kënaqur të mbështesë Shqipërinë në përpjekjet e saj për të forcuar institucionet dhe proceset gjyqësore, duke përfshirë zhvillimin e programit të ri të masterit në kriminologji.”- shkruan ambasadorja Kim.
Met with OSCE Amb. Del Monaco to discuss our shared commitment to supporting free & fair elections, justice reform & combatting trafficking in persons. We encourage Albania to enable diaspora voting as soon as possible, as required by the Constitution. (1/2)
— Ambassador Yuri Kim (@USAmbAlbania) July 12, 2022
Pas takimit me Kim, edhe nga prezenca e OSBE-së ka publikuar një njoftim mbi diskutimet mes dy diplomatëve.
Në këtë njoftim thuhet se ambasadori Monaco dhe ambasadorja Kim kanë rënë dakord që të forcojnë punën e tyre të përbashkët për fuqizimin e Gjykatës Kushtetuese dhe SPAK-ut.
“Gjithmonë kënaqësi takimi me ambasadoren e SHBA në Shqipëri. E falënderuam atë për bashkëpunimin e shkëlqyer dhe të vazhdueshëm me OSBE në Shqipëri, për aspekte të shumta të shtetit të së drejtës dhe zbatimit të ligjit, përfshirë luftën kundër krimit të organizuar. Ramë dakord të forcojmë punën e përbashkët për një Gjykatë Kushtetuese dhe SPAK të fuqizuar. Shprehëm inkurajimin tonë që Shqipëria të mundësojë votimin nga jashtë vendit, siç përcaktohet në Kushtetutë, dhe mbetemi të gatshëm të japim ndihmën tonë.”- thuhet në mesazhin e Prezencës së OSBE në Tiranë.
Gjithmonë kënaqësi takimi me @USAmbAlbania. E falënderuam atë dhe @StateINL për bashkëpunimin e shkëlqyer të vazhdueshëm me @OSCEinAlbania për aspekte të shumta të shtetit të së drejtës dhe zbatimit të ligjit, përfshirë luftën kundër krimit të rëndë dhe të organizuar. (1/2)
— OSCE Presence in Albania (@OSCEinAlbania) July 12, 2022
