Arrestohet lordi meksikan i drogës Rafael Caro Quintero, i cili është në listën e më të kërkuarve të SHBA-së. Siç shkruan BBC, ai është arrestuar në shtetin perëndimor të Sinaloa-s në Meksikë.
Marina tha se Quintero, që besohet të jetë 69 vjeç, u gjet në shkurre nga një qen i stërvitur posaçërisht i quajtur Max.
SHBA tha se do të kërkonte ekstradimin e menjëhershëm të tij.
“Nuk ka vend për t’u fshehur për këdo që rrëmben, torturon dhe vret organet e zbatimit të ligjit amerikan. Ne u jemi thellësisht mirënjohës autoriteteve meksikane për kapjen dhe arrestimin e Rafael Caro Quintero.”– tha Prokurorja e Përgjithshme e SHBA-ve Merrick Garland.
Ndërkohë, këshilltari i lartë i Shtëpisë së Bardhë për Amerikën Latine, Juan Gonzalez, shkroi në një postim në Twitter: “Kjo është e madhe”.
Ndaj Quintero-s ka një urdhër ekstradimi nga qeveria amerikane dhe dy urdhër-arreste nga zyra e Prokurorit të Përgjithshëm meksikan.
Kapja e tij u bë vetëm disa ditë pasi Presidenti i Meksikës Lopez Obrador vizitoi Presidentin Joe Biden në Uashington.
“Është ndoshta një nga kapjet më të rëndësishme të dekadës së fundit për sa i përket rëndësisë për DEA-n.”– tha Mike Vigil, ish-shefi i operacioneve ndërkombëtare të DEA-s.
Në deklaratën e saj, Marina Meksikane tha gjithashtu se 14 nga personeli i saj kishin vdekur pasi një helikopter “Black Hawk” u rrëzua në qytetin e Los Mochis në Sinaloa. Kjo gjatë operacionit për kapjen e Quintero-s.
Kush është Rafael Caro Quintero
Quintero ishte një nga tre anëtarët themelues të Kartelit të fuqishëm të Guadalajara-s.
Ai kaloi 28 vjet në burg për vrasjen e ish-agjentit të Administratës Amerikane të Zbatimit të Drogës (DEA), Enrique Camarena. Vrasja tensionoi lidhjet SHBA-Meksikë në atë kohë dhe më vonë u dramatizua në serialin e Netflix-it “Narcos: Mexico”.
Në vitin 2013, një gjykatë në Meksikë shkurtoi dënimin 40-vjeçar të zotit Quintero dhe e liroi atë. Vendimi u rrëzua më vonë nga gjykata supreme e vendit – por Quintero tashmë ishte fshehur.
Zyrtarët amerikanë thanë se ai u kthye shpejt në trafikun e drogës dhe Uashingtoni më pas ofroi 20 milion dollarë për çdo informacion që çonte në kapjen e tij.
Arrestimi i Caro Quintero është simbolikisht i rëndësishëm edhe pse ai nuk konsiderohet më një figurë kryesore në trafikun ndërkombëtar të drogës.
Arrestimi në 1985
Caro Quintero kërkohej pasi dyshohej se ishte përfshirë në rrëmbimin, torturimin dhe vrasjen e agjentit të DEA-s Enrique “Kiki” Camarena dhe pilotit meksikan Alfredo Zavala në 1985.
Ai u arrestua në Kosta Rika në prill të vitit 1985. Pasi u ekstradua në Meksikë, u gjykua dhe u dënua dhe me 40 vjet burg në Meksikë.
Lirimi nga burgu meksikan në 2013
Një gjykatë në Guadalajara justifikoi lirimin e Caro Quintero nga burgu në gusht 2013, kur ai kishte vuajtur 28 vjet nga 40 që duhej të vuante. Faji i tij nuk u pretendua, por çështja lindi se cila gjykatë duhet ta gjykojë atë, një nga juridiksionet federale apo një gjykatë lokale. Nën mbrojtjen e tij ai u favorizua sepse duhej të ndiqej penalisht në nivel shtetëror, siç shkruan Borderline Beat.
Më 16 janar 2015, Gjykata e Dytë Unitare e Qarkut të Tretë me qendër në Guadalajara, Jalisco, urdhëroi ri-arrestimin e menjëhershëm të tij, pasi u konsiderua penalisht përgjegjës për rrëmbimin dhe vrasjen e agjentit Camarena dhe pilotit Zavala.
Autoritetet gjyqësore vendosën se ekzekutimi i ish-agjentit, si zyrtar i qeverisë amerikane, përfaqësonte një krim nën juridiksionin federal, për të cilin ai ishte ndjekur penalisht në gjykatën e duhur.
Në listën e më të kërkuarve të ekipit të FBI-së në 2018
Që atëherë, drejtësia amerikane ka ofruar një shpërblim prej 20 milionë dollarësh USD për informacionin që çon në kapjen e tij, që është shpërblimi më i lartë i paraqitur ndonjëherë për një të arratisur. Deri në kapjen e tij, Quintero konsiderohej një nga 10 njerëzit më të kërkuar në botë nga FBI.
Njoftimi për të shtuar Caro-Quintero në listën e dhjetë të arratisurve më të kërkuar të FBI-së u bë gjatë një konference shtypi në vitin 2018 në selinë e DEA pranë Uashingtonit.
