Presidentja e Komisionit Europian Ursula Von der Leyen ka reaguar pas vendimit të Kuvendit të Maqedonisë së Veriut për të miratuar propozimin francez për zgjidhjen e mosmarrëveshjeve me Bullgarinë, duke i hapur kështu rrugë nisjes së procesit të negociatave për vendin e tyre dhe për Shqipërinë.
Von der Leyen uron Maqedoninë e Veriut dhe shprehet se kjo ishte një mundësi e historike që fqinjët tanë e kapën.
“Urime Maqedonisë së Veriut për votimin që tani hap rrugën për hapjen e shpejtë të negociatave të anëtarësimit.
Ishte një mundësi historike. Dhe ju e kapët atë. Një hap i madh në rrugën tuaj drejt një të ardhmeje evropiane. E ardhmja juaj.”- shkruan Von der Leyen në Twitter.
Kujtojmë se këtë të shtunë, Kuvendi i Maqedonisë së Veriut miratoi propozimin francez për zgjidhjen e mosmarrëveshjeve me Bullgarinë, me 68 vota pro, asnjë kundër dhe asnjë abstenim.
🇲🇰 Congratulations to North Macedonia on the vote that now paves the way for opening the accession negotiations rapidly.
It was a historic opportunity.
And you seized it.
A big step on your path towards a European future. Your future.
— Ursula von der Leyen (@vonderleyen) July 16, 2022
