Brenda 24 orëve të ardhshme, Roma thuhet se do t’i paraqesë Paulo Dybalas një ofertë për kontratë dhe ata do të presin një përgjigje së shpejti.
Trajneri i Giallorossi, Jose Mourinho, foli personalisht me sulmuesin argjentinas në telefon një javë më parë, duke u përpjekur ta bindë atë për kalimin në kryeqytetin italian duke nënvizuar ambiciet dhe projektin.
Trajneri portugez kishte shpresuar ta kishte Dybalan gati për kampin stërvitor parasezonal nesër, por mund t’i duhet të presë edhe pak.
Siç raportohet nga Corriere dello Sport, Mourinho dëshiron Dybalan në skuadrën e tij të Romës dhe ai ka shtyrë drejtorin Tiago Pinto të bëjë një lëvizje vendimtare.
Brenda 24 orëve në vijim, Pinto do të prezantojë zyrtarisht ofertën e Giallorossëve tek agjentët e lojtarit.
Roma do t’ia bëjë të qartë 28-vjeçarit se ata presin një përgjigje brenda ditëve në vijim ose do të fillojnë të fokusohen në objektiva të tjerë, si agjenti i lirë Jesse Lingard dhe Mario Pasalic i Atalantës.
