Një ekip personazhesh të YouTube nga ‘Donut Media’, një kompani me bazë në Los Angeles që drejton një kanal me të njëjtin emër, arriti të depërtojë në një automjet ‘Tesla’ me vetëm një pajisje 20 dollarëshe.
Në video, Jeremiah Burton i Donut Media tregon se si ishte në gjendje të ‘vidhte’ një Tesla duke përdorur një sulm me pajisjen modeste. Sulltan Qasim Khan, këshilltari kryesor i sigurisë dhe studiuesi i NCC Group, është gjithashtu me të gjatë gjithë videos.
Khan duket se ka zbuluar një lloj sulmi ‘rele’ që funksionon në automjetet Tesla. Khan deklaron se ai ndërtoi një pajisje transmetuese për vetëm 10 dollarë duke përdorur ‘program të lirë’ dhe ‘pjesë të tjera të lira’ duke e çuar koston e përgjithshme të pajisjes në 20 dollarë.
Në video, ata arritën me sukses të hynin në automjetin Tesla prej 80,000 dollarësh, duke e ndezur dhe duke e larguar me një mesazh drejtuar CEO të Tesla-s, Elon Musk, ku thuhej “Rregulloje Elon!” Nëse jeni kureshtarë për të parë demonstrimin, më poshtë është videoja.
