LSI ka deklaruar se kokat e aferës së inceneratorëve jaë në kryeministri e bashkinë e Tiranës.
Në një shënim në Facebook, Sekretari i Përgjithshëm i kësaj force politike Braimllari shkruan në asnjë ngjarje nuk mund ta tërheqë vëmendjen nga çështja në fjalë.
Sipas Braimllarit, kryeministri Rama dhe kryebashkiaku i Tiranës Veliaj nuk janë mjaftuar vetëm me abuzimin në procedurat e ndërtimit të inceneratorëve por e kanë thelluar skemën korruptive duke i vënë institucionet shtetërore në funksion të evazionit fiskal, skemë që i ka kushtuar buxhetit 189 milionë dollarë.
“Afera me e madhe korruptive ne vend ajo e inceneratoreve duhet te zbardhet sa me shpejt dhe te çoje para drejtesise pergjegjesit e vertete. Kokat e kesaj afere ndodhen ne kryeministri dhe ne bashkine e Tiranes. Asnje ngjarje nuk mund te terheq vemendjen nga kjo çeshtje e cila per nga permasat ka hyre ne histori. Edi Rama dhe Erion Veliaj nuk jane mjaftuar vetem me abuzimim ne proçederuat e ndertimi te inceneratoreve por kane thelluar me tej kete skeme korruptive duke vene instuticionet shtetore ne funksion te evazioni fiskal duke perdorur indetitete te moshuarve apo persona te cilet kane nderruar jete, skeme kjo qe i ka kushtuar qytetareve 189 milion dollare. Nderkohe qytetaret paguajne cdo dite 80.000 dollare per inceneratoret qe nuk funksionojne. SPAK duhet te thelloje hetimet te shkoj tek pergjegjesit e vertete te kesaj afere. Kontributi i jashtezakonshem i LSI per te votuar reformen ne drejtesi me 140 vota u be pikerisht qe qytetaret te merrnin drejtesi dhe ne te kishim nje sistem te pavarur drejtesie, jo nje sistem qe dirigjohet nga dyshja Rama-Veliaj. Koha nuk pret, qytetaret duan drejtesi.” – shkruan Braimllari.
