Dr. Anthony Fauci, këshilltari kryesor mjekësor i Shtëpisë së Bardhë, tha të hënën se ai synon të tërhiqet deri në fund të mandatit të parë të Presidentit Joe Biden, por u zotua të vazhdojë të punojë në çështjet shëndetësore publike pas largimit nga shërbimi shtetëror.
“Unë nuk kam bërë një njoftim për pensionin tim, por mund të ndodhë kurdoherë deri në fund të mandatit të Biden.” – tha Fauci në një intervistë telefonike me Reuters, duke pohuar qëllimin e tij për të lënë shërbimin qeveritar përfundimisht.
Fauci ka qenë drejtor i Institutit Kombëtar të Alergjisë dhe Sëmundjeve Infektive (NIAID), i cili është pjesë e Institutit Kombëtar të Shëndetit (NIH), që nga viti 1984. Ai ishte një figurë e shquar në përgjigjen e hershme të SHBA-së ndaj epidemisë së SIDA-s, por u zbeh nga syri i publikut deri në pandeminë e koronavirusit në vitin 2020, kur ai u bë një prani e vazhdueshme mediatike.
Këmbëngulja e Fauci për bllokimet, maskimin dhe më vonë vaksinimin e detyrueshëm e bënë atë të dashur për demokratët gjatë administratës Trump. Biden e ngriti atë në këshilltarin kryesor mjekësor në janar 2021.
Në nëntor të vitit të kaluar, Fauci i tha Reuters se ai ‘as që po mendonte’ daljen në pension. Edhe pas largimit të paralajmëruar nga pozicioni qeveritar ai tha: “Unë do vazhdoj të punoj sepse kam ende shumë energji dhe pasion për shëndetin publik dhe shëndetin publik global.”
Zyrtari veteran i shëndetit publik rezultoi pozitiv me Covid-19 muajin e kaluar. Fauci fillimisht tha se simptomat e tij të buta erdhën për shkak të marrjes së vaksinës dhe pilulës Paxlovid të Pfizer, por më pas pranoi se infeksioni i tij ‘u shërua’ pas një mjekimi antiviral.
Fauci është përplasur në mënyrë të përsëritur me Senatorin Rand Paul (R-Kentucky), i cili akuzoi zyrtarin e shëndetit publik se gënjeu Kongresin, duke përfshirë NIH në kërkime në Institutin e Virologjisë në qytetin kinez Wuhan, ku u shfaq pandemia Covid-19.
