Gjatë mbledhjes së djeshme të Grupit Parlamentar të Partisë Demokratike jashtë selisë blu për të diskutuar rreth të ardhmes së tyre politike shumica kanë kërkuar distancim të plotë nga ish-kryetari Lulzim Basha.
Një pjesë e deputetëve të pranishëm edhe pse nuk i janë bashkuar zyrtarisht Sali Berishës kanë marrë pjesë në tubimin e zhvilluar më 7 korrik.
Deputeti Tomorr Alizoti ka qenë një ndër më të ashprit kundrejt Bashës, duke e cilësuar këtë të fundit kundërshtarin e grupit parlamentar dhe jo Sali Berishën.
“Kundërshtari i këtij grupi parlamentar është Basha e jo Berisha. Berisha ka zgjedhur rrugën e tij ka ndërtuar strukturën e tij, mbi këtë grup bie hija e Bashës. Pa ndërmarrë një akt politik ku grupi parlamentar nuk e pranon rikthimin e Bashes si kryetar, nëse ky grup vazhdon në këtë rrugëtim politik është drejt asgjësimit.
Në politikë nuk gjykohet me emocion por me arsye, faktorët politikë i zgjedh terreni. Berisha është realitet politik duhet gjetur mënyra komunikim me të. Nëse ky grup nuk distancohet nga Basha unë madje as për një takim të tille e kushtëzoj veten. Finalizimi duhet të jetë bashkimi i demokratëv- u shpreh Alizoti.
