Kryeministri Edi Rama ka reaguar pas marrjes së detyrës së presidentit nga Bajram Begaj.
Ai ka publikuar një kolazh fotosh nga betimi i presidentit të ri në Parlament dhe ceremonia e betimit e zhvilluar para presidencës.
Këtë kolazh Rama e shoqëron shkurt me mesazhin “Për hajër”.
Në këto foto, Rama shihet krah ish-presidentes Atifete Jahjaga por asgjëkundi me presidenten aktuale Vjosa Osmani.
Kjo e fundit mori pjesë në ceremoni me ftesë të Presidencës shqiptare, dy ditë pasi ajo e priti me nderime të larta shtetërore në Prishtinë, presidentin në largim të Shqipërisë, Ilir Meta.
