Përcaktimi zyrtar i Rusisë si një sponsor shtetëror i terrorizmit nga Departamenti i Shtetit i SHBA-së lidhur me veprimet e saj në Ukrainë do kufizonte aftësinë e Shtëpisë së Bardhë për të ‘përjashtuar disa transaksione me Rusinë nga ndëshkimet perëndimore’, raportoi të premten Neë York Times, duke cituar një zyrtar të lartë amerikan.
Gazeta tha se këto përjashtime mund të përfshijnë sigurimin që eksportet e ushqimit nga Rusia të mos ndërpriten nga sanksionet.
Departamenti i Shtetit aktualisht rendit Iranin, Sirinë, Kubën dhe Korenë e Veriut si shtete sponsorizuese të terrorizmit.
Sipas Times, përcaktimi i Rusisë si një sponsor shtetëror i terrorizmit mund të shkëpusë plotësisht marrëdhëniet diplomatike tashmë të kufizuara midis Moskës dhe Uashingtonit. Zyrtarët e Departamentit të Shtetit u tha se e shihnin përcaktimin si ‘opsion bërthamor’.
Duke iu përgjigjur një kërkese të presidentit ukrainas Vladimir Zelensky, Senati i SHBA-së miratoi njëzëri një rezolutë jodetyruese të enjten duke i bërë thirrje Sekretarit të Shtetit Antony Blinken të bëjë pikërisht këtë.
Zelensky vazhdimisht akuzoi Rusinë për vrasjen e qëllimshme të civilëve në Ukrainë, ndërsa Moska këmbëngul që trupat e saj të godasin vetëm objektiva ushtarakë.
Blinken tha, megjithatë, se SHBA tashmë e ka goditur Moskën me sanksione të papara.
“Kostot që i janë imponuar Rusisë nga ne dhe nga vendet e tjera janë absolutisht në përputhje me pasojat që do të pasonin nga përcaktimi si sponsor shtetëror i terrorizmit.” – u tha Blinken gazetarëve të mërkurën.
“Pra, efektet praktike të asaj që ne po bëjmë janë të njëjta.”
Të premten, Blinken foli me homologun e tij rus, Sergej Lavrov në telefon, që ishte biseda e tyre e parë që kur Rusia nisi operacionin e saj ushtarak në Ukrainë në fund të shkurtit.
Zëdhënësi i Kremlinit Dmitry Peskov tha këtë muaj se etiketimi i Rusisë si një sponsor shtetëror i terrorizmit do të kishte ‘pasoja negative’ për lidhjet tashmë të thyera dypalëshe.
