Miliarderi i Tesla-s dhe pronari i SpaceX, Elon Musk ngriti një kundërpadi të premten kundër kompanisë së mediave sociale Twitter, të cilën ai kishte planifikuar ta blinte, por më vonë ndryshoi mendje.
Musk njoftoi synimin e tij për të blerë Tëitter për rreth 44 miliardë dollarë me 54.20 dollarë për aksion në prill, por në fillim të korrikut, tha se ai po braktiste blerjen, duke akuzuar Twitter për shkeljen e marrëveshjes së tyre duke penguar të drejtën e tij për informacion në lidhje me numrin e llogarive të rreme në platformë.
Në përgjigje, Twitter, i cili fillimisht ishte kundër blerjes, paditi Musk, duke thënë se pretendimet e tij ishin një shpërqendrim dhe duke kërkuar që ai të vazhdonte me marrëveshjen për të cilën kishte rënë dakord.
Vetëm disa orë përpara se Musk të paraqiste padinë e tij, gjykatësi i Delaëare që po vendos çështjen, urdhëroi një gjyq pesë-ditor që fillon më 17 tetor për të përcaktuar nëse Musk mund ta braktisë marrëveshjen.
Padia prej 164 faqesh e Musk nuk është e disponueshme publikisht, por sipas rregullave të gjykatës, një version i redaktuar mund të publikohet në të ardhmen e afërt.
Twitter është planifikuar të mbajë një mbledhje të aksionerëve për të votuar mbi blerjen më 13 shtator.
