Operacioni ushtarak i Rusisë në Ukrainë dhe sanksionet perëndimore ndaj Moskës mund ta shtyjnë ekonominë globale në fragmentim gjeopolitik.
Kështu ka paralajmëruar FMN në një raport të publikuar më 26 korrik.
“Një rrezik serioz për perspektivën afatmesme është se lufta në Ukrainë do të kontribuojë në fragmentimin e ekonomisë botërore në blloqe gjeopolitike me standarde të dallueshme teknologjike, sisteme pagesash ndërkufitare dhe monedha rezervë.”- thuhet në raport sipas RT.
Sipas FMN-së, një ndarje e tillë do të pengonte komunitetin global që të trajtojë bashkërisht problemet globale.
“Fragmentimi mund të zvogëlojë gjithashtu efektivitetin e bashkëpunimit shumëpalësh për të adresuar ndryshimet klimatike, me rrezikun e mëtejshëm që kriza aktuale e ushqimit mund të bëhet normë.”- paralajmërojnë autorët e raportit.
Raporti vë në dukje se rreziqet tradicionale ekonomike dhe financiare janë përkeqësuar nga konflikti në Ukrainë dhe pasojat e tij. Rreziqe të tilla përfshijnë aktualisht efektin e politikës më të shtrënguar monetare, ngadalësimin e rritjes ekonomike në Kinë dhe rritjen e çmimeve të energjisë.
Megjithatë sipas raportit, ka “prova të kufizuara të ripërtëritjes“, ose deglobalizimit të tregtisë, për momentin, dhe në përgjithësi, tregtia globale “ka qenë më elastike sesa pritej që nga fillimi i pandemisë Covid-19”, e cila mund të merret si një shenjë pozitive.
FMN parashikon se sanksionet gjithnjë e më të forta ndaj Rusisë përfundimisht do të rezultojnë në një rënie të eksporteve të naftës të Rusisë në tregun global dhe një “rënie në zero” të eksporteve të gazit rus në Evropë, gjë që nga ana tjetër do t’i bënte “pritjet e inflacionit të rriten me më këmbëngulje” në të gjithë globin dhe shtrëngonte kushtet financiare ndërsa qeveritë përpiqen të merren me rritjen e çmimeve.
“Në këtë skenar, tronditja do të kishte një ndikim të gjerë, pasi çmimet më të larta globale të mallrave dhe kushtet më të shtrënguara monetare dhe financiare do të preknin pothuajse të gjitha vendet, megjithëse në përmasa të ndryshme. Evropa do të ndikohej veçanërisht në këtë skenar, në 2023… me pothuajse zero rritje rajonale.”- thotë FMN.
Megjithatë, sipas analistëve, “zbutja e inflacionit duhet të jetë përparësia e parë për politikëbërësit” pavarësisht kostove të politikës monetare më të shtrënguar, pasi “vonesa vetëm do të përkeqësojë kostot“.
