Një video ka zbuluar detajet e rënda lidhur me një sulm me bombë me telekomandë që la një oficer të policisë të plagosur në Guanajuato (Meksikë) më 28 korrik. Siç shkruan Borderland Beat kriminelët që kishin vendosur pajisjen shpërthyese të improvizuar e shpërthyen eksplozivin nga distanca, ndërsa po shikonin një video të drejtpërdrejtë nga brenda shtëpisë.
Më pas këtë video përgjegjësit e kanë publikuar vetë në internet për të dhënë një mesazh në qartë.
Sipas ekspertit lokal të sigurisë David Saucedo, kriminelët vendosën një trup të copëtuar brenda shtëpisë, telefonuan policinë dhe shpërthyen bombën në një kohë kur ata mund t’i vëzhgonin policët që hynin në grackën e tyre.
Videoja tregon oficerët e forcave të sigurisë duke inspektuar vendin e krimit brenda shtëpisë. Në një cep pranë derës, trupi i copëtuar shihet brenda një qese të zezë plehrash, pranë njollave të gjakut. Ata kishin lënë dhe një tekst kërcënues, tallës, të cilët oficerët e lexojnë në video.
Kriminelët i akuzojnë policët se kanë shënjestruar familjarët e organizatës së tyre dhe se po veprojnë pa urdhër kërkimi. “Nëse ne jemi objektivi juaj, ju jeni i yni.”– thuhet në letër. Videoja ndërpritet menjëherë ndërsa eksplozivi shpërthen, dhe më pas shfaqet përsëri.
Videoja zbulon qartë një motiv: hakmarrjen ndaj Policisë Ministrore të Irapuato-s pasi kriminelët mendojnë se po synojnë familjet dhe operacionet e tyre. Kriminelët përmendin në mënyrë specifike bastisjen e shtëpive të tyre pa urdhër kontrolli.
Ende është e paqartë se cili grup qëndron pas këtij sulmi. Megjithatë për shkak të një fraze të përmendur në tekst, dyshimet janë tek karteli i Gjeneratës së Re Jalisco ose siç njihet shkurt, CJNG. Fraza “Mos harroni se i gjithë Guanajuato ka një pronar”, zakonisht përdoret nga ata.
Kjo ngjarje ka shumë të ngjarë të rezultojë në një përgjigje të fortë të qeverisë.
Përkthimi i letrës është si më poshtë:
Ne ju bëjmë të ditur këtë:
Se ne respektojmë integritetin e agjencive të tjera policore,
Ushtarake dhe komunale,
Kjo është për ju, (corrientes = i ulët, i zakonshëm, bazë) Policia e ulët Ministrore,
Jua kemi thënë, vazhdoni të punoni jashtë procedurës,
Duke punuar pa urdhër kërkimi dhe duke u ngatërruar me familjet e anëtarëve tanë,
Ai që paralajmëron nuk tradhton,
Shpresuam të ishit vetëm ju, policia e ulët ministrore,
Nëse ne jemi objektivi juaj, ju jeni i yni
Mos harroni se e gjithë Guanajuato ka një pronar dhe ne nuk kemi frikë këtu.
