Disa shkolla publike në Oklahoma kanë kërkuar që prindërit të nënshkruajnë ato që janë përshkruar si ‘betim biologjik seksi’ nëse duan që fëmijët e tyre të konkurrojnë në sportet shkollore.
Në mars, Guvernatori i Oklahomas, Kevin Stitt, nënshkroi një projektligj që ndalonte sportistët transgjinorë të konkurronin në ekipe dhe kategori që lidhen me identitetin e tyre gjinor dhe jo me seksin që u ishte caktuar në lindje.
Siç komunikohet nga një foto e shpërndarë në Twitter, disa organe të tilla si Shkollat Publike Woodall kanë filluar tashmë të lëshojnë një deklaratë që është pjesë e politikës së tyre të atletikës për vitin shkollor 2022-2023.
Për NBC News, mbikëqyrësi i shkollave publike Woodall, Ginger Knight, konfirmoi se ligji i shtetit të Oklahomas i kërkon distriktit të tyre që nxënësit dhe prindërit e tyre të plotësojnë formularin dhe të vërtetojnë se çfarë gjinie ka qenë fëmija në lindje, nëse dëshirojnë të marrin pjesë në sport.
Një foto e deklaratës së betimit u bë virale në Twitter kur u shpërnda nga Erin Matson, e cila është drejtoreshë ekzekutive e grupit për të drejtat e abortit ‘Reprocation’.
“Kjo nuk ka të bëjë fare me nxitjen e vajzave për ts’u bërë sportiste.” – pohoi Matson.
“Ky është totalitarizëm. Është axhenda nacionaliste e bardhë. Axhenda anti-LGBTQ. Axhenda kundër abortit. Është e gjitha e njëjta axhendë.”
Oklahoma ishte shteti i 13-të i SHBA-së që prezantoi një projektligj të tillë dhe u pasua nga pesë të tjerë duke u bërë gjithsej 18.
Megjithëse pothuajse të gjitha këto shtete kanë vendosur që ekipet sportive duhet të përcaktohen sipas gjinisë së anëtarëve të tyre që u caktuan në lindje, Oklahoma është e vetmja e njohur deri më tani që kërkon një deklaratë që tregon seksin e caktuar të një studenti.
Ndryshimet vijnë në një kohë kur pjesëmarrja trans është një nga temat më të diskutuara në sport mes sukseseve të figurave si ish-notarja e Upenn, Lia Thomas.
Duke konkurruar më parë në ekipin e meshkujve të kolegjit Ivy League, Thomas më pas theu një sërë rekordesh duke garuar si femër pas shndërrimit, por ëndrra e saj për të garuar në Lojërat Olimpike Paris 2024 mund të prishet falë ndryshimeve të fundit të bëra nga organi qeverisës botëror Fina.
Fina ka ndaluar të gjithë sportistët trans që kanë marrë përfunduar pubertetin mashkullor dhe gjithashtu është zotuar të krijojë një kategori të re ‘të hapur’ të cilën Triathloni britanik do ta prezantojë vitin e ardhshëm.
