Princi Charles i Britanisë ‘siguroi personalisht” një donacion prej 1.2 milionë dollarësh për bamirësinë e tij nga familja e Osama bin Ladenit në vitin 2013, raportoi ‘The Times’ të dielën.
Princi i Uellsit vetëm kohët e fundit është nën vëzhgim për marrjen e ‘çantës me para’ nga familja mbretërore e Katarit.
Charles ‘ndërmjetësoi pagesën’ pas një takimi privat me Bakr dhe Shafiq bin Laden në rezidencën e tij në Londër në Clarence House në tetor 2013, pohuan burimet e gazetës. Bakr dhe Shafiq janë gjysmë vëllezërit e Osama Bin Ladenit, liderit të Al-Kaedës dhe organizatorit të 11 shtatorit, i cili u qëllua për vdekje nga forcat speciale amerikane në Pakistan dy vjet përpara takimit.
Sipas ‘Times’, Charles ra dakord për dhurimin pavarësisht kundërshtimeve nga stafi i tij dhe Fondacioni Bamirës i Princit të Uellsit (PWCF). Thuhet se Charles vendosi të mos kthente paratë, pasi një gjë e tillë do t’i vinte në siklet vëllezërit.
Megjithatë, kryetari i PWCF, Sir Ian Cheshire i tha gazetës se të pesë administruesit e bamirësisë ranë dakord të pranonin donacionin pasi dëgjuan shqetësimet. Një tjetër burim i tha ‘The Guardian’ se princit nuk iu kërkua të kthente paratë dhe kundërshtoi sugjerimet se ai personalisht kishte ndërmjetësuar marrëveshjen.
Nuk ka asnjë sugjerim që Bakr ose Shafiq bin Laden të kenë financuar ose të jenë përfshirë ndonjëherë në terrorizëm, theksoi ‘The Times’.
Komisioni i Bamirësisë në Mbretërinë e Bashkuar hoqi një hetim javën e kaluar për donacionet shumë milionëshe të bëra nga familja mbretërore e Katarit për PWCF.
Mediat britanike raportuan muajin e kaluar se Charles kishte marrë çanta blerjesh plot me para në vlerë prej mbi 3 milionë dollarë gjatë takimeve me Sheikh Hamad bin Jassim bin Jaber al Thani midis 2011 dhe 2015. Al Thani shërbeu si kryeministër i Katarit midis viteve 2007 dhe 2013.
Princi i Uellsit nuk është i panjohur për polemika dhe marrëdhënia e tij me familjen Bin Laden është vënë në pikëpyetje edhe më parë.
Pasi u prezantua me Bakr në Qendrën e Oksfordit të Studimeve Islame në vitin 2000, Charles tërhoqi reagimin nga shtypi britanik kur darkoi me vëllain e Osamës tetorin e ardhshëm, më pak se një muaj pas sulmeve të 11 shtatorit.
